Крым Статьи Литература Крымскотатарские колыбельные - Айненилер
Крымскотатарские колыбельные - Айненилер
Литература

Первая песня, которую малыш слышит в своей жизни, - это колыбельная в исполнении мамы и бабушки. Это песня нежная и протяжная, убаюкивающая и успокаивающая. Песня на родном языке.

О значении колыбельной песни задумываются многие.

Велико её влияние на развитие у ребенка дара слова. Малыш еще не умеющий толком говорить, жадно впитывает звуки и ритм родной речи, даже если не понимает смысла сказанных слов. Колыбельные могут стать уникальными помощниками в воспитании у ребенка звуковой культуры речи.

Помогите ребенку почувствовать богатство родного языка.

 

 
Авторские Айненни
 
Шакир Селим
 
Айненни
 
Юкъла-юкъла, къокълачыгъым,  айненни
Юм козюнъни топмачыгъым,  айненни.
Саба эрте турмакъ керек, айненни,
Сонъ багъчагъа бармакъ керек, айненни.
Багъчада чокъ оюнджакълар,  айненни,
Салланмагъа салынджакълар бар,  айненни.
Тербиеджи аптенъ йырлар айненни,
Йырлап сабий гонълюнъ сыплар, айненни.
Сыз багъчада шенъ яшарсыз, айненни,
Сютлю боткъа да ашарсыз,  айненни.
Сонъа да алышмакъ керек,  айненни
Манъа исе чалышмакъ керек,  айненни.
Юм козюнъни, топмачыгъым,  айненни,
Юкъла энди, кокълачыгъым, айненни.
 
 
 
Майе Абдулганиева
Музыка Ролан Салимов
 
Айнени
 
1.
 
Юкъугъа далды Чадырдагъ,
           Къаргъа орьтюльди.
Мейвагъа толды багъча-багъ,
           Даллар букюльди.
Азиз юртум,
           Ватаным,
               Мубарек ерим.
Эр бир сув ютумынъ да,
Элялдыр, Къырым.
 
Багълама:
 
Кокте айнынъ зиясы
Сача ерге шавлесин,
Ель яваштан
         Ёргъун ернинъ 
         Бешигин саллай.
 
Ойнакъ денъиз далгъасы
Сакълай ялы юкъусын,
Келе-кете,
         Ёргъун ерге
         Айненни йырлай.
 
3.
 
Азиз халкъым, 
          Мукъаддес ерим,
Айдын да олсун,
          Сенинчюн ярын.
Эйи къысмет, 
Бахтлы куньлер
          Сен де коредженъ.
Кунь къонды,
Танъгъадже –
          Хайырлы гедже.
 
4.
 
Тюшюнъе кельсинлер
     Гурьдели ве алтын заманлар, кельсин.
 
Авада далгъалансын 
    Тамгъалы, шуретли кок санджакъ.
 
Багърынъда балалар,
    Буюсын, коклерде къанатын керсин.
 
Келеджек несиллер
    Ватаным-юртумны сакълайджакъ.
 
 
Багълама:
 
Кокте айнынъ зиясы
Сача ерге шавлесин,
Ель яваштан
          Ёргъун ернинъ 
          Бешигин саллай.
 
Ойнакъ денъиз далгъасы
Сакълай ялы юкъусын,
Келе-кете,
          Ёргъун ерге
          Айненни йырлай.
 
Эмине Усеин
 
ЙЫРЛА МАНЪА "АЙНЕНИ", АНАЧЫГЪЫМ.
 
Анам саллай бешигимни азар-азар,
Бутюн гедже кунь баткъандан тангъа къадар,
Манълайымны опе-опе ич тоялмай,
Мен агъласам, дердим неде-о анъламай.
Йырла манъа"Айнени", аначыгъым!
 
Къара булут Ана-Ватан кокюн къаплай,
Бир чокъ эвде тиль чырагъы шимди янмай,
Бугуньбизим къапымызгъа мелек къонмай,
Къартанамнынъ"Айнени"си тышта агълай,
Йырла манъа"Айнени", аначыгъым!
 
Аначыгъым тезден дуйсын тилегимни,
Ят айненни ич сармасын юрегимни,
Истегимни,къысметимни о сильмесин,
Балалыкътан тамырларым узюльмесин.
Йырла манъа "Айнени", аначыгъым!
 
Алып меним къальбимнинъ бу тасасыны
Багъышласын манъа да озь севгисини,
Бизим тувгъан тилимизни ашлатаджакъ,
Ватанымны,миллетимни яшартаджакъ!
Йырла манъа"Айнени", аначыгъым!
 
 
Амди Алим Гъаниев (1937 г.)
 
Бешик йыры
 
Къокълаларынъ юкълады,
Аювчыгъын юкълады,
Юкъла, къызым, озюнъ де,
Айланайым козюнъден.
 
Юкълап къалчы тангъадже
Икмет бардыр бабанънынъ
Бу анени сёзинде,
Сен юкъласанъ, къызчигъым.
 
Меним бахт йылдызыгъым
Эр сесинъе сес берип.
Теляшлангъан ананънынъ
Асрет къалмаз козюнде
 
Юкъла, къызым, юкъласанъ
Тез осерсинъ бу юрта
Осип етер, кечерсинъ
Бузлу дерья къутуптан.
 
Юкъла, къызым, юкъласанъ
Балабан къыз олурсынъ, 
Багъчаларда доланыр,
Сербест нефес алырсынъ.
 
Бакъ тепенъде. Къызчигъым,
Йылдызчикълар ювурша
Саба саарь танъында
Самолетлар учуша.
 
Къызым олар къорчалай
Сенинъ азиз юртунъны.
Къызым олар къочалай
Азиз Къырым Ватанныы
 
Къызым олар къорчалай
Улькемизнинъ темелин,
Къызым олар къорчалай
Сербестлешкен эмелин
 
Юкъла, къызыи, айненни…
 
Записала и переслала Зоре Исмаилова (Таракташ. 2008 г.)
 
 
Шукри Аппазов
 
Айненни
 
Юкъла, къызым, йылдызым,
Булутсыз кокюм,
Дюньяда энъ пак арзум,
Энъ азиз юкюм.
 
Артыкъ энди яваштан
Одагъа энди
Теджребели тылсымджы
Юкъу эфенди.
 
Юкъусырай къокълачыкъ.
Тезден олып къуш
Ястыгъынъа къонаджакъ
Меляике - ТЮШ.
 
 
 
Майре Сеферова (г. Ялта)
 
***
 
Меним балам юкълайджакъ. 
Козьчиклерни юмаджакъ.
Юкълап, юкълап къаладжакъ. 
Тезден балабан оладжакъ.
 
Айя-айя-айненни, 
Юкъласында бу бебий.
 
Этрафтаки къушчыкълар 
Тереклерге къондылар.
Ювачыкълар ичинде 
Юкълап, юкълап къалдылар.
 
Айя-айя-айненни, 
Юкъласында бу бебий.
 
Денъизде балычыкълар
Буллюр сувда тындылар. 
Ташлар, къумлар арасында
Юкълап, юкълап къалдылар.
 
Айя-айя-айненни, 
Юкъласында бу бебий.
 
Кобелеклер яйляда 
Чечеклерге къондылар. 
Къанатчыкъларны буклеп
Юкълап, юкълап къалдылар.
 
Айя-айя-айненни, 
Юкъласында бу бебий.
 
Салкъын ельчик уфюре
Балачыкъны юкълата, 
Кунеш эркеске куле 
Батмагъа адым ата.
 
Айя-айя-айненни, 
Юкъласында бу бебий.
 
***
 
Бахчаларда яптырдым асма салынджакъ. 
Отькен-кечкен саллайджакъ. 
Элине бердим оюнджакъ, айненни. 
Ойна,балам, тойгъанджа, айненни.
 
Огълунъ олса бир вакъыт, айненни. 
Къартайгъанда таякътыр, айненни. 
Къаранлыкъта чыракътыр. 
Айя-айя-айненни, юкъласында бу бебий.
 
Записано от Майре Сеферовой (г. Ялта, 2008г.)
 
 
Зоре Исмаилова (с. Таракташ)
 
***
 
Айя-айя-айненни
Пек севем, балам, сени.
Юмулсун сенинъ козьлеринъ,
Эр кес айтыр : "Аферин".
Бугун сычанчыкъ чапты,
Бу баланы уятты.
Бала сонъ чокъ агълады
Анасыны чагъырды.
Анасы тез-тез кельди
"Не керек санъа?" - деди
Сёз динълесен, осерсинъ,
Йылдызларгъа етерсинъ!"
 
Балабан олса, осьмезми,
Къалыгъа да бою етмезми,
Къалыгъа да бою еткен сонъ,
Бабасы тоюни этмезми!
 
Айя-айя-айясы,
Сенсинъ Къырым баласы.
Вакъыт пек тез кечеджек
Къырым баллары оседжек.
 
 
Уйдыргъан Сабрие Ибадлаева (Чуча-Вакъуф кою)
 
Айненни
 
Мен айненни язайым
Йырласын яш аналар.
Баю-баю-баюшкини
Эшитмесин балалар.
 
Айя-айя-айясы,
Къачан тиер файдасы
Буюсе къаве кетерир,
Умют эте битасы.
 
Айя-айя-айясы,
Юкъласын къырым баласы.
Сен ватаеда сагълам ол,
Алимедай джесюр ол.
 
Айя-айя-айясы,
Юкъоасанъ тез осерсинъ.
Озь тилиде лаф этсенъ,
Истанбулгъа кетерсинъ.
 
Айя-айя-айясы,
Кельди къызнынъ бабасы.
Къызым буюк оладжакъ
Ялталада окъуйджакъ.
 
Айя-айя-айясы,
Айненнилер йырласын.
"Къырым" газети окъулсын,
О ерде тапталмасын.
 
"Къырым" №97-98 20 декабрь 2008 с
 
 
сборник Айненни на сайте www.mejlis.org
 
***
Шимди аненъ келеджек, айнени,
Бешигинъе къояджакъ, айнени.
Юкъла, балачыгъым, юкъла, айнени,
Юм козьлеринъ, гульчигим, айнени.
Ай-я десем ярашыр, айнени,
Гуль багъчалар долашыр, айнени.
Гуль багъчанынъ ичинде, айнени,
Алтын бешик ярашыр, айнени.
Къазан къайнар, къашыкъ ёкъ, айнени,
Бала агълар, бешик ёкъ, айнени.
Кельген кеткен саллайджакъ, айнени,
Ая десем ярашыр, айнени.
Ай-я, балам, юкъласын, айнени,
Къырмызы гуллер къокъласын, айнени.
Осип, буюп юрьген сонъ, айнени,
Эр кес онъа сукълансын, айнени.
Меним балам юкъласын, ай-я, ай-я, айнени.
 
 
***
Багъчагъа къурдым салынджакъ, айнени,
Кельген, кечкен саллайджакъ, айнени.
Ай-я, ай-я, ай-я, ай...
Юкъла, балам, сен.
 
 
Элине бердим оюнджакъ, айнени,
Юкъламаз бу балачыкъ, айнени.
Ай-я, ай-я, ай-я, ай...
Юкъла, балам, сен.
 
 
Огълунъ олса бир бахыттыр, айнени,
Къартайгъанда таякътыр, айнени.
Ай-я, ай-я, ай-я, ай...
Юкъла, балам, сен.
 
 
Къаранлыкъта чыракътыр, айнени,
Пенджеренъе къапакътыр, айнени.
Ай-я, ай-я, ай-я, ай...
Юкъла, балам, сен.
 
 
***
Ай-я десем, ярашыр, айнени,
Гуль багъчаны долашыр, айнени,
Меним кучюк къызыма, айнени,
Нелер айтсам ярашыр, айнени.
Меним къызым юкъласын, айнени,
Къырмызы гуллер къокъласын, айнени.
 
Осип, буюп кеткен сонъ, айнени,
Къартанасын ёкъласын, айнени.
Ай-я, ай-я, ай-ясы, айнени,
Не заман тиер файдасы, айнени.
Яз тиймесе, къыш тиер, айнени.
Ашыкъмасын анасы, айнени.
 
 
***
Ай-я олсун, ай олсун,
Къойны толу нар олсун
Нары тюшип, яр олсун,
Гузеллерге ашкъ олсун.
Яшап, яман корьмесин,
Юрт яшамай, ольмесин,
Ай-я, ай-я, ай-ясы,
Къачан тиер файдасы.
 
Файдасындан вазгечем,
Тек тиймесин зарары.
Аттым, урдым, таш иле,
Тёктим козюм яшыйле.
Эди къайда барайым,
Бу терисиз баш иле.
Ай-я, ай-я, ай-ясы,
Къачан тиер файдасы.
 
 
***
О яш энди бахтлы олды,
Юкъла, огълум, юкъла.
Ишанчлардан джаным толды,
Юкъла, огълум, юкъла.
 
 
Инан, огълум, келир вакъыт,
Юкъла, огълум, юкъла.
Санъа яхшы масал аттым,
Юкъла, огълум, юкъла.
 
 
***
Ай-я олсун, ай олсун,
Къойны толу нар олсун
Нары тюшип ярылсын,
Ер тургъандже яшасын.
 
Гурь-гурь этер гогерджин,
Юксек учар не ичюн?
Ат башыны терлетип,
Йигит кетер къыз ичюн.
 
 
***
Ай-я, ай-я, ай балам,
Осип буюп, сен балам.
Меним къызым оседжек
Гуль багъчада кезеджек.
 
Ай-я, ай-я, ай олсун,
Айлангъысыз бай олсун.
Осип, буюп ол мырза,
Ят да юкъла сен Риза.
 
 
***
Меним огълум батыр,
Чавуп келеятыр,
Алты къоян, беш тавке
Алып келеятыр.
 
Меним балам озектен,
Къуванам да юректен.
Юкъла, балам, юкъла,
Татлы тюшнен юкъла.
 
по материалам РИЦ "Козь айдын"
 

Аят

Если Аллах причинит тебе вред, то никто не избавит тебя от этого, кроме Него, а если пожелает (даровать) тебе благо, то никто не отвратит Его милости
- Йунус, 107 -

Хадис

Взывайте к Аллаху, будучи убежденными в том, что Он ответит вам
- Ат-Тирмизи -

Реклама